من أنا

بشتغل في مجال الديجيتال ماركتينج بقالي أكتر من 10 سنين،
وخلال الفترة دي اشتغلت على إدارة حسابات عملاء، التسويق عبر السوشيال ميديا، وبناء وتطوير المواقع الإلكترونية.

خبرتي العملية خلّتني أفهم مش بس الأدوات، لكن طريقة تفكير أصحاب المشاريع، والتحديات الحقيقية اللي بتقابلهم وهم بيحاولوا يحققوا نتيجة أونلاين.

اشتغلت مع شركات وأفراد، وأدرت حسابات ومشاريع رقمية من البداية لحد التنفيذ والمتابعة، وده أهلني إني أتعامل مع الشغل بشكل منظم، وأدير المهام والفرق، وأتواصل مع العملاء بوضوح وصراحة.

اللي يهمني دايمًا مش تنفيذ خدمات وخلاص،
لكن إني أفهم الهدف الأول، وأقدّم حل واقعي يناسب المرحلة والإمكانيات، ويحقق نتيجة حقيقية.

حاليًا بركّز على مساعدة أصحاب المشاريع الصغيرة إنهم يرتّبوا وجودهم أونلاين بشكل أبسط وأوضح، باستخدام خبرتي في التسويق، إدارة الحسابات، وبناء المواقع.